【高明邏輯】中國香港下一代廢的迷思（高明）（第177期） ---新朋友請點上方 ”港股策略王” 關

---

新朋

友請點上方

”

港股策略王

”

關注我們

---

【高明邏輯】中國香港下一代廢的迷思（高明）（第177期）

最近揸車聽到一個電台節目，結論真係Marvelous，忍唔住分享吓。講者大致上話喺中國北京搵一間餐廳，坐的士到咗都仲要行廿分鐘，搞一輪搵唔到打返去中國上海總店，職員話喺XX街，又搵一輪最後問路人話棟嘢拆咗，再打返去中國上海，職員答係拆咗。人生路不熟當然易出錯，但講者因為呢件事得出一個結論：香港後生仔真係唔掂。聽完之後小弟喺車度大叫：Marvel、Avengers、X-men ！成件事喺中國北京同中國上海發生，第一個錯位，就係中國北京個的士佬，地膽喎，肯定知棟大樓拆咗，有個外地客上車，難得機會，大可車到差唔多先問個客去邊，繼而話拆咗，跟手推薦有回佣嘅餐廳畀乘客。呢種情況兜路，個客唔單止唔會炸型，仲當你恩人。冇錯，中國北京人見到港客，等同見水魚任劏，一街係錢都唔識執，失敗。

第二，中國上海職員將被AI取代，個客問中國北京間舖係咪喺XX街，佢機械式咁答「係」，冇補充資料間嘢已經執咗，以騰訊（700）為首嘅科技公司努力研究AI，相信就係為咗取代呢啲冇帶個腦返工嘅人。

至於有咩可以改善呢種不遇快旅遊經驗。第一，相信祖國。中國小米已經千億上市，中國滴滴打車都排緊隊，中國百度地圖就快超越google成為世界第一嘅中國合資格境內地圖。人生路不熟，去之前可以買部「性價比」高嘅小米手機，上百度地圖了解路線，再睇實境望下建築物仲喺唔係度，之後訂滴滴打車，上車前再三問司機間餐廳執咗未、上車後再煩多佢十次，如果到咗未見到間餐廳，打死都唔落車。

第二，相信人民幣。呢個時候人民幣現鈔發揮功效，有別於拎個手機出嚟俾錢霸氣全失，拎疊人民幣出嚟逐張數：「老子大把錢，快啲車你爺爺去餐廳」司機見到毛澤東，一定會感恩，肯定會車到你有得食先停。呢方面電子貨幣就冇相同功用。千祈唔好以為大陸人收慣支付寶，會對人民幣無動於衷。第三，移民中國北京。高明完全同意該講者說話，中國香港下一代的確不濟，移民到地大物博人才濟濟的中國北京才是出路。每朝打開窗，呼吸祖國的新鮮空氣，又望不到中國香港下一代，肯定能更感受祖國的偉大。

=================================

揭頁版電子書同步上架，即刻

Click

入以下網址收看

http://subscription.winmoney.hk/

=================================

《港股策略王》手機

APP

iOS

：

http://appsto.re/hk/ysXocb.i

Android

：

http://play.google.com/store/apps/details?id=com.megahub.winmoney

港股策略王

手機

app #

更新

你今日下載咗未

掃一掃

QRCode(

二維碼

)

馬上關注"港股策略王"