【高明邏輯】世界盃我估呢隊贏（高明）（第179期） ---新朋友請點上方 ”港股策略王” 關

---

新朋

友請點上方

”

港股策略王

”

關注我們

---

【高明邏輯】世界盃我估呢隊贏（高明）（第179期）

隨住港股炒作變得困難，減低注碼，分散注意，已經係大部份炒友的趨勢。大市的問題是，波幅不夠大，沒有太大炒作空間。板塊本來係個幾好嘅歸宿，但近日教育及油股有先例，一殺回落的時間又會很急，即不能分散注意，但若要坐埋位集中精神睇市，又會手痕買指數相關股博大彈，結果一來一回還是要輸錢。

所以今期高明邏輯抽離幾個禮拜，等待世界盃的來臨，將注碼移師至賭波，因為未開波，甚至陣腳亦未最終定，因為有受傷人口。難度亦在這裡。如果在芸芸強隊中揀一隊拎冠軍，我會去馬會買巴西。

首先從篩走冇機會拎世界盃嘅洲份：即亞洲、非洲、北美洲。上述三個洲的足球水平並未足以贏世界盃。

餘下得返歐洲同南美洲。純睇外圍賽表現，分組有壓倒勝優勢，即係同第二名分數差距超過3分嘅係：

德國11分

巴西10分

比利時9分

英格蘭8分

西班牙5分

波蘭5分

法國4分

再喺呢7隊入面篩走，比利時會係高明第一隊篩走嘅球隊，因為陣中人人都係世界級球星，偏偏加埋一齊就會踢得平庸，情況比90年代荷蘭、2000年後葡萄牙更嚴重，可優先排除。

第二隊係英格蘭，每屆都係66年以來最強，但永遠冇keyman，一隊工兵，咁多年都解決唔到，即係成個英格蘭足球體制有問題，值博率唔高。

第三隊波蘭，冇乜點睇過，純粹「我覺得」。

剩返德國、巴西、西班牙、法國。是旦一隊拎冠軍都好合理，正路最強係德國，高明反而最先會篩走德國，純粹假設呢班波底已經贏盡所有獎，包括國家隊及球會，拼勁會不及，雖然唔一定係，估啫。同一道理都應用落西班牙度，不過今屆西班牙啲人同早幾年橫掃已差好遠，爭勝心有，但班底不及沙維年代屆機，另一擔大旗人物恩尼斯達都年紀唔細，上屆歐國盃都走唔遠，睇低少少。

根住到法國同巴西，兩隊高明比較睇高一線，如果真係買，可以兩隊買晒。基本因素兩隊都唔錯，隊型都算齊腳，大賽往績法國更佳，因為上次歐國盃拎亞軍，巴西反而南美盃小組出局。近況當然巴西強，外圍賽拉開其他球隊分數較多。

個人偏好巴西，因為「未來是佢哋的」，美斯同C朗退休之後，球王肯定有尼馬、古天奴，甚至費明奴如果大賽把握到機會都有機會做一級球星。當然法國都有麥巴比、基士文。揀巴西做冠軍，博上屆咁樣衰出局，今屆知恥近乎勇。

上述方法會篩走阿根廷同葡萄牙呢兩隊有球王級嘅球隊，但既然買當已決定用篩走球隊方式，費事撈亂，亦都當買未來概念股咁買巴西。

=================================

揭頁版電子書同步上架，即刻

Click

入以下網址收看

http://subscription.winmoney.hk/

=================================

《港股策略王》手機

APP

iOS

：

http://appsto.re/hk/ysXocb.i

Android

：

http://play.google.com/store/apps/details?id=com.megahub.winmoney

港股策略王

手機

app #

更新

你今日下載咗未

掃一掃

QRCode(

二維碼

)

馬上關注"港股策略王"