任何資產都經歷過崩盤嘅一天加密貨幣同樣崩盤式下跌

本文作者方卓如，是香港知名財經專欄作者。慣以粵語落筆行文。為保留原文原汁原味，本編未做轉譯。

文：方卓如

恒

生指數大跌1649點，成交2580億。升市嘅時候沒有2000億成交，反而跌市先有，大跌市大成交已經出現恐慌性拋售，但喺高位拋售嘅只係鎖定以前嘅利潤，並非止蝕離場。到跌定之後，呢啲錢又嚟買過。

以往銀紙冇嘢好買，買到國債變成負回報都要買，咁難得股票原來買得過，銀紙離開債市轉投股市，令10年期美債升到上2.8厘，唔通咁快就倒轉頭，由股轉債？利率上升預期加快，係因為害怕通脹來得更快。但通脹嚴重，代表銀紙唔值錢，只會更加追逐資產，令資產價格上升。恐慌嘅人拋貨，貪婪嘅人就要諗幾時值得入貨。

加密貨幣同樣崩盤式下跌，原因同股票好唔同。Tether是一隻定幣，永遠一蚊美金一粒，聲稱一粒Tether幣有一蚊美金頂住。比特幣（Bitcoin）升值時，Tether數量急速上升，令人懷疑是否的確有美元儲備，會否秘密狂印Tether買Bitcoin，所以Bitcoin升得咁快。最近美國監管機構傳召Tether調查，可能正因如此，Tether印刷商要狂沽Bitcoin，在市場回收Tether。Bitcoin冧市，反而Tether沒有。

如果懷疑屬實，代表財富從當初用Bitcoin換Tether的人手中，轉到當初高位賣Bitcoin的人手上。Tether擠提到頂唔順嘅時候，自然崩盤，跌穿1美元，到時就紙包唔住火，必定拉人封艇。

邊個可以高位賣Bitcoin？只有低價持有Bitcoin的人。他們可能係炒家，但更大部分係長期擁躉。他們血液裏已經接受了加密貨幣，否則怎會在無人了解嘅時候持有如同廢物嘅Bitcoin？Bitcoin去到2萬美金可能是Tether印出來，但如果Tether開始嘔番晒出嚟，而家就係正常Bitcoin大眾認同嘅價錢。

加密貨幣目前沒有基本因素支持，但Bitcoin同Ether有佢獨特用途，黃金也沒有基本因素支持，只係大戶全部係各國政府，政府唔會出來狂沽而已。加密貨幣會冧價但唔會消失，往後會否再創新高唔知道，因為隨時可以有更好嘅出場。

然而，加密貨幣變成一種資產類別，是必然嘅趨勢，任何資產都經歷過崩盤嘅一天，股票都係紙一張，輸股票嘅人不計其數。加密貨幣令一批人輸錢，唔會因此令佢哋絕跡，正如輸人錢嘅股票依然大把。

（方卓如/方如玉帥）

心中有數，

幣圈守護神

與你同在

他，也許是

運氣最好

的關二哥

私人洽購請致電1333-28-77772 聯繫大公館畫廊葉小姐，或點擊本鏈結訪問內頁索引