冻冰冰就要食冰！冬日限定版雪糕口味大放送~
今日係24节气中嘅大雪
我哋广州就无雪落啦
不过听讲过两日又又又有一股冷空气来袭
气温将会降到10度以下
咁嘅天气个个都中意组团去打边炉
不过其实呢种冻冰冰嘅天气
食雪糕都好正
最近气温唔会太冻之余
雪糕又唔容易融化
可以慢慢品尝！
最中意推出各种限定嘅日本
近排都有唔少雪糕新品！
原来日本人好like喺冬天
匿喺暖桌度食雪糕
不过我哋直接室外食都无问题啊！
↓
井村屋 やわもちアイス 安纳芋カップ
（期间限定）
呢款雪糕喺11月底先发售
如果买到就真係尝鲜啦！
新品係日本「安纳芋」品种嘅番薯
加上麻薯嘅口味
底部係番薯口味雪糕+番薯酱
然后就係招牌嘅麻薯球
最后仲有黑芝麻点缀
据推上嘅网友晒图反映
个个都话好味，甚至仲评价「史上最强」
咁高评价？？？
H?agen-Dazs Spécialité「抹茶のオペラ」
（便利商店限定）
哈根达斯每次嘅限定口味都好吸引
今次再度推出高端嘅Spécialité系列
斋睇包装就知係走华丽路线
红+黑嘅颜色组合睇上去就够晒高级
今次嘅限定抹茶口味十分丰富
最上面铺咗一层洒咗金粉嘅朱古力酱
中间係略带苦味嘅抹茶冰淇淋
最后係带有焦糖色泽嘅
「Blonde Chocolate」口味
中间仲夹着杏仁酱同杏仁饼干碎
唔止包装高级
连口味睇上去都散发住一个【贵】字！
明治 Essel Super Cup スイートポテト味
（期间限定）
又係冬季限定嘅番薯口味
唔知系咪真係咁好食嘅咧？
颜色望上去比香草要黄小小
据说番薯嘅香味十分浓郁
除咗雪糕之外入面仲有番薯泥
同细粒嘅番薯
番薯控忍唔住想试试！
森永制菓 小枝アイスバー あまおう苺味（便利商店限定）
森永呢个系列嘅朱古力棒一向受欢迎
今次限定嘅草莓味应该更抢手
出面係草莓朱古力嘅脆皮
内陷前部分係浓厚嘅炼奶
不过后面部分又唔会太甜
中意草莓嘅朋友就要记低啦
丸永 アップルシナモンとラムレーズンのブロンドチョコ包み
酒精过敏嘅朋友就可以忽略呢款了
因为佢含有0.2%嘅究酒精成分
喺牛奶冰淇淋入面混合咗
白兰地浸过嘅肉桂苹果同朗姆酒葡萄
呢款酒香四溢嘅雪条
好啱一个人喺屋企静静食~
LOTTE Gelato Meister种子岛安纳芋
（期间限定）
安纳芋番薯again！
呢款雪糕入面都係混合咗番薯泥同番薯粒
唔知同上面个款相比边只更加好味？
介绍完最近嘅限定款
除咗想即刻落街买雪糕之外
仲好想食煨番薯！
有相同谂法嘅你不如摸下肚腩先决定啦...
bye~
官方微信：可乐生活color(colorcolor818)
官方唯一商务合作QQ：1902182069
- 【阅读理解】马上就要期末，这些阅读理解答题技巧你知道不？
- 杭州西湖区排名第一，冬日就要打call的火锅店
- 法网恢恢，干了坏事就要受惩!5名在逃人员麻城落网
- 任启亮：300，也不灵了！
- 【公益】谁会是你的一千分之一？
- 小心邪教！如果符合这四条那你就要警惕了！
- 冬天缺了它能"要命"，这些救命菜，现在就要开
- 季后赛 | 别说你不来看哦
- 养生茶的饮用也有讲究，不同的情况就要喝不同的茶，你喝对了吗
- 中国原油期货一旦推出，美国霸权的噩梦就要破碎！