阿娇见记者唔记得戴戒指，原来求婚係生日嘅事啦！凌晨公布消息

阿娇宣布结婚，

凌晨公布消息，

真係够嗮震惊，

不过又唔係好震惊嘅~

哈哈哈哈，我都唔知自己讲紧乜。

即系咁，

我估到阿娇会好快结婚，

但係估唔到会咁快咯！！！

因为阿娇咁多个，

放闪放得最劲就係呢个，

睇得出阿娇特别中意

“医界王阳明”嘅。

嗱，呢粒钻戒，

大概3卡度啦，

睇咗一日，唔介意再睇一次啦。

佢一公布消息，

最Friend嘅几位，

当然要回应祝福啦~

咁多年来，阿娇真係乜都经历过，

不过咁多年来，阿娇都係靓样不变。

你问可乐君，最靓嘅明星前三名，

肯定有一位係阿娇。

究竟点样嘅男人，

先至可以娶到阿娇呢？！！

宜家终于有答案啦！！

↓

首先要係医生啦

其次要靓仔啦

然后要係爆肌啦

佢老公，真係随时随地，

都练紧身材，

翻工练，

屋企练，

gym房练

样靓身材正又有正当职业，

靠呢D就可以抱得阿娇归？

阿娇当然唔只睇呢啲啦！！！

今日凌晨宣布，

下昼6点就开记者会，

阿娇亲自来同大家交代清楚成件事。

开记者会之前，

先由经纪人喺现场保持秩序，

因为阿娇都迟到少少。

5分钟之后，阿娇就到场，

一入场，

即刻受到一轮闪光灯嘅洗礼。

然后就甜笑住坐低，

被记者要求乖乖地影相。

一如既往地，阿娇都係咁靓。

当记者叫阿娇骚骚只巨型钻戒嘅时候，

阿娇竟然伸两只空手出来，

搞到现场记者即刻好失望！

阿娇话係佢5记得带，

well，呢个原因都几阿娇……

阿娇透露，

求婚嘅日子係佢生日个日，

即系21号，所以今日冇戴出街都合理。

阿娇话，求婚个阵冇喊，

但係佢寻晚公布嘅时候，

係超级紧张，

块面一直红咗几粒钟！！

现场记者继续问阿娇，

问男友求婚有冇爱的宣言，

阿娇话有，

而且阿娇中意佢嘅原因，

係因为佢肯包容自己嘅一切衰嘢。

最感动系佢肯包容晒我嘅坏习惯，我一开始我已经同佢讲我，我……即系我己经话晒俾佢听，拿，我将所有坏嘅野，骚晒俾佢睇，你接受到嘅，就接受啦。咁佢又照单全收，咁我觉得呢个系好重要嘅。我唔系一个假嘅人咯，我唔会特登包装到自己点样，好攰架嘛。所以我一开始就将自己最衰呀，最唔好嘅野呀，坏习惯呀……

阿娇话自己最大嘅衰嘢，

就係懒。

之后仲补充，

话佢地异地恋，老公肯去维系，

呢个係好紧要噶

最紧要我地异地恋，佢辛苦啲都肯维系，佢又安排schedule，又肯配合。

听完阿娇讲，

都知道咗一啲道理。

成功俘虏阿娇个心嘅，

係佢老公肯包容佢，

同肯为佢去努力维系感情，

呢两点，係真係打动到阿娇噶。

而今日嘅记者会阿娇自己一个应付，

对于记者追问求婚嘅过程，

阿娇话，搵个时间介绍佢畀大家识，

到时候再慢慢等老公自己讲，

求婚嘅过程，同埋其他详细嘢。

即系话，我哋可以期待下一次啦！

婚礼几时搞？

阿娇坦言仲未plan，

而结婚之后想要小朋友。

各位广男，学嘢啦，

感情係需要维系噶，

女友，都係需要啲支持噶咋！！

官方微信：可乐生活color(colorcolor818)

官方唯一商务合作QQ：1902182069