高明：一次馬拉松式炒股經驗 ---新朋友請點上方 ”港股策略王” 關

---

新朋

友請點上方

”

港股策略王

”

關注我們

---

【高明邏輯】一次馬拉松式炒股經驗（高明）（第161期）

今年高明有份跑渣打馬拉松，開跑由行政長官林鄭月娥主禮，但高明參加嘅係半馬，8點半先開跑，據講林鄭主禮嘅一節係6點，所以見唔到。參加完嘅感想係：希望入院跑手平安無事，健康出院。

網上世界好多人話阻人返工，唔應該搞。高明身為參加者之一，意見係：一年一度，算係為城市帶嚟一啲點綴，令到城市除咗返工炒股之外，都有啲活動玩吓留念影相，高明從網上留意到，好多批評活動阻人返工嘅人，都係喺佢哋工作時間度上臉書留言，呢啲人有幾熱愛工作，真係「不言而喻」。如果話阻人返工，香港人熱愛旅行，一樣阻到當地人返工，高明又留意到留言者狂貼旅行相上個人臉書，佢哋去旅行都阻人返工，會否發誓從此唔去旅行？

高明今次只喺臉書報平安，無放上專頁，因為高明覺得馬拉松不應打壓，但亦不值得吹捧，因為長跑並非普及運動，馬拉松本人係跑到死因而受紀念。而高明今次跑半跑（21公里），事前只操過一課7公里練習，等同無訓練，最後高明竟然跑畢全程，體能上當然係天賦異稟，但唔值得鼓勵，因為任何賽跑活動，都應有充足準備先好落場。

至於跑馬拉松同炒股有咩關係？關係就大囉！因為大牛市已開動，雖然未知依家喺第幾階段，但可以肯定，長坐強勢股，先至可以食盡升浪，變長形成一次股市馬拉松競賽，牛市並不在於中間邊段跑得夠快，而係在於能否衝線？

落場跑馬拉松，一路跑，一路會出現層出不窮嘅問題：抽筋、腸痛、體力不足、膝痛、肌肉問題等等，即使你準備充足，上述各種問題都有機會喺跑嘅時候浮現。情況就等如你喺大牛市長揸一隻股，就算你揸騰訊（00700.HK）平保（02318.HK），一樣會出現：調整、單日轉向、跌穿平均線、技術指標超買、不利消息出現、管理層減持、基金沽貨等等。

臨場作戰，不同紙上談兵，解決方法只有一個，就係心理質素，夾硬捱過一個個難關，用堅毅嘅信念繼續一步一步跑過去，雖然老套但有用，而股票比起跑馬拉松有一樣好處，就係買咗可以唔睇，跑步係一步一腳印，炒股票則輕鬆食tea、收市數錢，當然呢個係另一個境界，一樣係心理質素尤關。

跑長跑，動輒個幾鐘，參與時不免胡思亂想，高明跑到第5公里，已經出現幻覺，口中唸唸有詞話要搭地鐵過海。同理，買入股票後，好多人都會有幻覺，覺得隻股行得太慢，要走捷徑，去買衍生工具，等同跑馬拉松期間走去搭地鐵，無錯，表現會瞬間提升，代價係唔可以畀主辦單位「周到」，一旦周到就會DQ；股市上「周到」，就係買入時唔好遇上調整，一調整，哪怕只係橫行，以期權計都輸時間值。

現時牛市肯定未見終點，有排跑，中間肯定會亂諗嘢、有幻覺，最後一句仍然係衝終點先叫成功，中間跑得幾快都冇用，保持均速，整體受惠大牛市，衝終點後拎得幾多就幾多。衝終點過後，要著保暖衣，渡過熊市寒冬。

=================================

揭頁版電子書同步上架，即刻

Click

入以下網址收看

http://subscription.winmoney.hk/

=================================

《港股策略王》手機

APP

iOS

：

http://appsto.re/hk/ysXocb.i

Android

：

http://play.google.com/store/apps/details?id=com.megahub.winmoney

港股策略王

手機

app #

更新

你今日下載咗未

掃一掃

QRCode(

二維碼

)

馬上關注"港股策略王"