蛊惑波经心水推介：15815960000 1581596111

爱华顿队长朗尼礼拜三晚喺英超连中三元，帮拖肥糖主场大胜韦斯咸4:0。更加重要嘅系，朗尼系喺候任爱华顿领队艾拿戴斯面前入三粒，今次坚系做到嘢。

朗尼今场所入嘅第三球可圈可点，佢喺后半场中圈截到韦斯咸门将祖夏特解围得唔汤唔水嘅波，再第一时间离门60码射番转头。呢次系朗尼职业生涯第九次连中三元，之前八次佢都系效力紧曼联。呢位32岁嘅老将赛后话今场入嘅第三球，系自己生涯最靓入波喎：「我谂我无入过更加靓嘅波，如果呢球唔系最靓，都肯定系其中一球最靓嘅入波，呢脚波我『食』得好正，几乎系咁多年嚟最好嘅一脚。」