澳門市民的辛酸誰會知？駕車送貨兼識水電才得八千... 謊話連篇？"

“四萬元都請唔到司機”

激發網民冷嘲熱諷

市民紛紛表示兩萬都願意做

更何況月薪4萬？

更有人表示月薪4萬哪裡來？

駕車送貨兼識水電才得八千

議員鄭安庭一句“四萬元都請唔到司機”激發網民冷嘲熱諷，繼勞工界議員梁孫旭前日即場駁“如果有咁筍嘅工就好”後，勞工界議員李靜儀昨日繼續開火：“我有個真實個案，請個送貨司機，駕車要送埋貨加要識整水電，得八千幾元月薪，司機係司機、送貨員係送貨員、倉務員係倉務員、水電工係水電工，你要佢三合一做齊，你份人工仲低過淨係駕車嗰個，萬能俠嘅責任、買一送三嘅大平賣價錢，點樣配對？點樣請人？”

李靜儀昨擔當“重炮手”，火力全開，除駁斥四萬元請唔到司機言論外，她特別提到非全職工作制度、勞工法修改的問題，指相比其他地區，本澳不少勞動保障例如假期天數、產假等僅屬低水平，本來應有所進步和完善，今次反而提出減保障的方案，刪除非全職者多項基準保障等，進一步剝削僱員。政府到底有沒有想過處於勞動關係中弱勢，尤其是一些需要勞工法保障的基層僱員的被動處境？

李靜儀斥經濟發展不是要令僱員的保障越來越差：“澳門今日好有錢，財政儲備總額五千億元，去年經濟下行，本地生產總值都有三千五百八十億元。咁耐以嚟，一年三百六十五日都只係十天強制性假期、六天年假咋，你何必‘質’咁多罪名畀呢十日八日假期呢？機械人都要維修保養，我哋打工仔係人嚟口架，放幾日假十惡不赦？”

李靜儀強調，從法、從理、從情，政府都不應帶頭意圖去衝破勞動保障的底線。澳門的經濟發展要惠及民生：“我哋越有錢，如果我哋的僱員保障越差，你點樣向我哋所有打工仔交代？司長，唔好令澳門窮得只剩下錢，然後畀人話我哋為了成全經濟發展要咁樣剝削原有保障、犧牲僱員權益，連嗰幾日假期都唔畀佢，解僱都唔需要補償，呢個唔係一個合理的原則。”

議員蘇嘉豪接力開炮：“傳統社團都講產假九十日，但你現在五十六日加十四日，公職與打工仔大家都係做阿媽、大家都係女士，九十日與五十六日如何收窄、如何平等？你話參考香港七十日，但睇返香港法例係九五年立的，現香港都話將十周加至十四周，你又唔跟？勞工局副局長話以前產假得三十五日咋，你不如講返古代啦，一生完即刻落去耕田啦！”

注：部分信息摘自澳門日報，經澳門online綜合編輯整理。

更多實時資訊請留意

每天實時更新

最新最快的澳門資訊

以及更多澳門旅遊攻略

點擊即可加入