今日睇手机，

喺某乎度见到一个问题，

足足笑咗我半个钟

（原谅我笑点就系咁低！）

问题如下，

如何将宿舍装修成广州地铁风格？

提得呢啲问题嘅，

唔系广州地铁员工

就肯定系广州地铁忠实fans！

然后下面一堆人出谋献策——

有人话根据宿舍密度帮宿舍改名：

两个宿舍人流=客村

成层流嘅人流=珠江新城

成栋楼嘅人流=体育西路

如果系两栋楼嘅人流，咁就劲啦，

叫节假日前一晚嘅体育西路！

又有人话喺宿舍加特效，

每次关门就配上“叮咚叮咚”嘅音效，

我建议最好加埋

“宿舍门即将关闭，

请靠近宿舍门嘅同学谨防被夹！”

仲有人话，

应该按逗留时间收费，

出入一次交费一次，月卡95折，

出入15次之后打六折！

其实我最深得我心都系呢位仁兄

“不要在宿舍内配置洗手间！”

要真实还原广州地铁，

点可以有厕所！

人有三急都要忍到出站！

应承我，唔好得闲无事

喺问答平台搜索“广州”“广州人”，

否则你会……

当你搜索“广州地铁”

如何一句话完美概括广州地铁！

真系犹如身临其境，历历在目！

灯光摄影化妆师准备！

主持人递个咪畀下面呢位朋友！

讲出你嘅故事！

每个广州地铁嘅出口，

总会有一个伟岸嘅背影等紧你。

只要你一出站，

佢哋就会投来关切嘅目光，

为你张开温暖嘅臂弯，

并用略带磁性嘅声音讲：

“靓女，去边啊！”

亦有人会提咁嘅问题，

emmm……

南海（区）就去到，海南就……

中国第一条跨省跨海地铁

等你嚟建设！

当你搜索“广州”

问得呢啲问题，

我估你小学、初中、高中老师

应该入紧急症室吧！

划重点，唔见咗人，

请报警、请报警、请报警！

唔通你想喺某度寻人咩！！！

点解广州叫羊城？

因为通街都系咩啊！咩啊！

重申一次，

广州人从来唔觉得

广东以外都系北方！

冇错！

我哋广州人觉得

白云山以北就系北方！

凌晨两点唔知去边度？

荔湾广场欢迎你！

呢种问题睇地段，

如果你想要猎德、珠江新城……

我建议你借多五百年！

唔紧要，系雪就得啦！

亚热带嘅尊严，由佢啦！

（我唔理，就系雪，唔好再同我讲系霰！）

点可以话人哋名不副实，

人哋一家大细要喺昌盛街搵食噶！

顺手举报！

得啦得啦！知你叻啦！

得闲配返副眼镜啦！阿伯！

当你搜索“广州人”

老实讲，

我唔系好明呢啲问题嘅意义……

史上最敷衍嘅答案——

对此我只想讲，

队得精彩！队得漂亮！

只听过佛系广州人，

今日先知原来有一种叫

“鹅系广州人”！

问：“饮咗茶未？”

点解会答“你唔系我要嗰杯茶”

虽然我读得数少，但你唔好水我……

广州人：黑人问号？？？

藿香正气水：双重黑人问号？？？

最后仲有一个

未经证实嘅广州生活技巧！

各位自己友，

你对 广州/广州人 想提咩问题？

有咩疑问一直埋藏喺你心底？

↓ 利事豐2018年版现正热卖！

• 借钱（2）
• 广州人童年的新年必备爆款零食！吃过10种以上说明你老了！
• 媳妇不生娃被婆赶出门,两年后
• 网友造谣谎称廊坊地震后有6.8级余震，现已被拘留
• 贵州这两座城市将要腾飞, 已被国家确定为大型高铁枢纽中心城!
• 一年没回家却发现老家已被杂草吞噬，景象太凄凉太心酸
• 新加坡自来水有“毒”？造谣的大妹纸已被捉！
• 公交上姑娘接了个电话,笑晕了
• 美一高中枪击事件致17人死亡 枪手已被捕
• 在你看春晚的时候，有人49999元购物车已被清空！